- आइतवार, कार्तिक १६, २०८३ / Sunday, Nov, 01 ,2026
बयलवास – सर्लाहीको ईश्वरपुर नगरपालिका–६, बयलवासमा मंगलवार राती पार्किङ गरेर राखिएको मिनी ट्रकमा आगजनी भएको छ ।
स्थानीय खड्ग प्रसाद बरालको घर छेउमै पार्किङ गरेर राखिएको ना ४ च ९५७ नम्वरको ट्रकमा आगजनी भएको हो । ट्रकको मुनी जलेर थोरै मात्रै बाँकी रहेको साइकलको टायर फेला परेकाले, ट्रकमा कसैले आगजनी गरेको हुनसक्ने आशंका गरिएको छ ।
आगजनीबाट ट्रकको इन्जिनको भाग र अगाडिको दाहिने पट्टीको टायर जलेको छ । मंगलवार राती ११ बजेतिर लागेको आगो स्थानीय र नजिकै रहेको ईलाका प्रहरी कार्यालय केशरगन्जबाट गएका प्रहरी मिलेर तत्कालै नियन्त्रणमा लिएका थिए ।
घटनाको सम्वन्धमा थप अनुसन्धान भइरहेको प्रहरीले जनाएको छ ।
