- बुधबार, कार्तिक १९, २०८३ / Wednesday, Nov, 04 ,2026
हरिवन – सर्लाहीको हरिवनस्थित मानव सेवाश्रममा २ वर्षसम्म पालनपोषण गरेर राखिएको एक युवकलाई पारिवारिक पुनर्मिलन गराइएको छ ।
आश्रममा आकाश मानव नाम दिएर पालनपोषण गरी राखिएका बालकको परिवार २ वर्षपछि सम्पर्कमा आएर आफ्नो छोरालाई बुझेर लगेका हुन् । ती बालक सिरहा गोलबजारका रितु साह रहेको परिवार आएर पुष्टी गरेका छन् ।
बालकलाई २ वर्षअघि रौतहटबाट उद्धार गरेर आश्रममा ल्याई राखिएको थियो । बोल्न नसक्ने बालकको अभिभावक सम्पर्कमा नआएपछि यत्तिको समयसम्म आश्रमले नै पालिदिएको हो ।
अहिले आश्रमको फेसबुकबाट थाहा पाएर बालकको आमालगायत आएर बालकलाई बुझेर लगेको आश्रमकी संयोजक सम्झना अधिकारीले जानकारी दिईन् । रितुका परिवारले आश नै मारिसकेको छोरा जिवितै फेला पार्दा असाध्य खुसी व्यक्त गरेको र यत्तिको समयसम्म आश्रमले पालनपोषण गरेर राखिदिएकोमा खुसी व्यक्त गरेको अधिकारीले बताईन ।
हरिवन १ कैलाशीपुरमा संचालित मानव सेवाश्रममा सडकबाट उद्धार गरेर ल्याइएका र आफ्ना कोही नभएकाहरुलाई पालनपोषण र औषधि उपचार गरी राखिएको छ ।
