- मङ्लबार, कार्तिक १८, २०८३ / Tuesday, Nov, 03 ,2026
प्रतिकात्मक तस्बीर ।
लालबन्दी – लालबन्दी नगरपालिका–१७, रानिगन्जमा तीन दिनदेखि बेपत्ता युवती मृत अवस्थामा फेला परेकी छिन् ।
साउन ३१ गते रातीदेखि बेपत्ता रानिगन्ज डाँडाटोल निवासी राजन भुजेलकी १६ वर्षीया छोरी प्रिंयका भुजेल मंगलवार राती मृत अवस्थामा फेला परेकी हुन् । युवतीको शव घरदेखि करिव ३ किलोमिटरपर लालबन्दी नगरपालिका–६, स्थित कालिन्जोर खोलामा फेला परेको हो ।
ईलाका प्रहरी कार्यालय लालबन्दीबाट प्रहरी निरीक्षक निर्मल थापाको नेतृत्वमा प्रहरी टोली घटनास्थलमा पुगेर प्रारम्भिक अनुसन्धान गरी मृतक युवतीको शव पोष्टमार्टमका लागि मंगलवार राती नै जिल्ला अस्पताल मलंगवा पठाएको छ ।
युवतीको मृत्युको कारण खुल्न सकेको छैन् । साउन ३१ गते मध्यरातमा युवती बेपत्ता भएको भन्दै परिवारले साउन ३२ गते ईलाका प्रहरी कार्यालय लालबन्दीमा जानकारी गराएका थिए ।
सर्लाही प्रहरीका प्रवक्ता डीएसपी माधव प्रसाद बुढाथोकीले घटनाको सम्वन्धमा सुक्ष्म ढंगले अनुसन्धान भइरहेको उज्यालो अभियानसँग बताए ।
