- बुधबार, कार्तिक १९, २०८३ / Wednesday, Nov, 04 ,2026
प्रतिकात्मक तस्बिर ।
चक्रघट्टा, १९ फागुन – सर्लाहीको चक्रघट्टा गाउँपालिका–२, बेल्हीमा स्कारपियो पल्टिँदा चालकको मृत्युु भएको छ ।
गाउँको भित्री सडकमा आज बिहान ४ बजेतिर बीआर ३० पि १७०३ नम्वरको स्कारपियो आफै अनियन्त्रित भइ पल्टिँदा चालक सोही ठाउँका ४० वर्षीय अमितकुमार अधिकारी गम्भीर घाइते भएका थिए । दायाँ हात र शरीरका विभिन्न भागमा गहिरो चोट लागेर शक्त घाइते भएका स्कारपियो चालक अधिकारीलाई प्रादेशिक अस्पताल मलङ्गवामा प्राथमिक उपचार गरी थप उपचारका लागि आज दिउँसो तीन बजेतिर राष्ट्रिय ट्रमा सेन्टर काठमाडौंं पुुर्याउँदा चिकित्सकले मृत घोषणा गरेका सर्लाही प्रहरीका प्रवक्ता एवं प्रहरी नायब उपरीक्षक (डिएसपी) सरोज राईले जानकारी दिए ।
मृतकको शव काठमाडौंमै पोष्टमार्टमपश्चात चक्रघट्टा ल्याउने प्रयास भइरहेको पारिवारिक स्रोतले जनाएको छ । दुर्घटनापछि घर लगेर राखिएको स्कारपियो प्रहरीले नियन्त्रणमा लिएको छ ।
