- बुधबार, कार्तिक १९, २०८३ / Wednesday, Nov, 04 ,2026
हुलाकी सडक कालाेपत्रेकाे माग राखेर गत साेमबार सदरमुकाम मलंगवामा स्थानीयले टायर बालेर गरेकाे विराेध प्रदर्शन ।
मलंगवा – वर्षौदेखि जरजर अवस्थामा रहेको हुलाकी सडक कालोपत्रेको माग गर्दै सर्लाहीमा एकपछि अर्को ठाउँका वासिन्दाले चक्काजाम गर्न थालेका छन् ।
सोहीक्रममा सोमबार बिहान मलंगवा नगरपालिका २ कृष्ण चोकका स्थानीयले हुलाकी रोड कालोपत्रेको माग गर्दै सडकमा टायर बालेर चक्काजाम गरेका छन् । यसअघि आइतबार ब्रम्हपुरीका वासिन्दाले पनि सडक पिच गर्न माग गर्दै चक्काजाम गरेका थिए ।
केही दिनपहिले कौडेना र मुसैलीका स्थानीयले चक्काजाम गरेपछि त्यहाँ अहिले कालोपत्रेको प्रारम्भिक काम अघि बढाइएको छ । ठेकेदारले बद्मासी गरेर ठेक्का अनुसार हुलाकी सडक कालोपत्रे नगर्दा सडक छेउछाउ घर भएका वासिन्दा र यात्रुहरुले धुलोको मार खेपिरहेका छन् ।
हुलाकी सडकमा अहिले धुलोले गर्दा यात्रा गर्नै नसक्ने अवस्था छ भने छेउछाउका घर धुलोले ढाकेका छन् ।
