- बुधबार, कार्तिक १९, २०८३ / Wednesday, Nov, 04 ,2026
हरिवन – सर्लाहीको हरिवनमा मंगलबार दिउँसो करेन्ट लागेर एक महिलाको मृत्यु भएको छ ।
हरिवन नगरपालिका–८, पूर्व टोल बस्ने ५९ वर्षीया सावित्रा निरौलाको करेन्ट लागेर ज्यान गएको हो । निरौलालाई करेन्ट लाग्नासाथ उपचारका लागि नमूना अस्पताल हरिवन ल्याइए पनि चिकित्सकले मृत घोषणा गरेका इलाका प्रहरी कार्यालय हरिवनले जनाएको छ ।
उनलाई मंगलबार दिउँसो पौने ३ बजेतिर श्राद्धका लागि काठको पुरानो घर सफा गर्नेक्रममा करेन्ट लागेको स्थानीयले बताएका छन् । पक्की घर छेउमै रहेको काठको कच्ची घरको एउटा कोठामा श्राद्ध गर्नका लागि सफा गर्ने क्रममा उनलाई करेन्ट लागेको हो ।
निरौलालाई डिसहोमका लागि तानिएको तारबाट करेन्ट प्रवाह भई करेन्ट लागेको जस्तो देखिएको र यस सम्वन्धमा थप अनुसन्धान गरिरहेको हरिवनका प्रहरी निरीक्षक मुकेश ताम्राकारले जानकारी दिए ।
