- मङ्लबार, कार्तिक १८, २०८३ / Tuesday, Nov, 03 ,2026
रानिगन्ज – सर्लाहीको लालबन्दी नगरपालिका–१७ रानिगन्जमा करेन्ट लागेर बिहीबार बिहान एक युवक गम्भीर घाइते भएका छन् ।
डिस होमको लालबन्दीस्थित एक डिलरमा कार्यरत सिरहाको लहान नगरपालिका–१२, का २२ वर्षीय आदित्य सिंह करेन्ट लागेर शक्त घाइते भएका हुन् । आदित्यलाई बिहीबार बिहान सबेरै बिजुलीको तारमा भर्याङ लगाएर केबल मर्मतका लागि चढ्न खोज्दा भर्याङमा नै करेन्ट प्रवाह भई करेन्ट लागेको प्रत्यक्षदर्शीले बताएका छन् ।
घाइते उनलाई स्थानीय स्तरमा प्राथमिक उपचार गरी थप उपचारका लागि भरतपुर मेडिकल कलेज पुर्याइएको इलाका प्रहरी कार्यालय लालबन्दीले जनाएको छ ।
