सर्लाहीकाे हरिवनमा फेरि ४६ जना संक्रमित फेला

हरिवन – सर्लाहीकाे हरिवन नगरपालिकाले संकलन गरेर पठाएकाे थ्राेट स्वाब मध्ये फेरि ४६ जना संक्रमित फेला परेका छन् ।

नगरपालिकाले गत साेमबार ४० जना पुरुष र ३३ जना महिला गरि ७३ जनाकाे थ्राेट स्वाब संकलन गरेर परीक्षणका लागि मलंगवा पठाएकाे र जसमध्ये आज (विहिबार) दिउँसाे आएकाे रिपाेर्ट अनुसार ४६ जनामा काेराेना भाईरस पाेजेटिभ देखिएकाे हाे । हरिवन नगरपालिका स्वास्थ्य शाखाका काेभिड फाेकल पर्सन एवं जनस्वास्थ्य निरीक्षक रामबाबु चाैधरीका अनुसार थप दुईजनाकाे रिपाेर्ट भने शंकाष्पद आएकाे छ । ती दुईजनाकाे स्वाब पुनः संकलन गरेर परीक्षणका लागि पठाउनु पर्ने भएकाे हाे ।

विहिबार आएकाे रिपाेर्ट अनुसार वडा नं. ११ मा सबैभन्दा बढी १७ जनामा काेराेना भाईरस देखिएकाे छ । जसमा १० जना पुरुष र सातजना महिला रहेका छन् । त्यस्तै वडा नं. सातमा पाँचजना महिला र एक पुरुष गरि छ जना, वडा नं. ८ मा तीन महिला र दुई पुरुष गरि पाँचजना, वडा नं. १० मा पनि तीनजना महिला र दुई पुरुष गरि पाँचजनामा काेराेना भाईरस देखिएकाे हाे । त्यस्तै वडा नं. वडा नं. नाै मा दुई महिला र एक पुरुष गरि तीनजना, वडा नं. तीनमा एकजना पुरुषमा काेराेना भाईरस देखिएकाे छ ।

याे पनि पढ्नाेस्

सर्लाहीको हरिवनमा उपचाररत एक महिला सहित दुईजना कोरोना संक्रमितको मृत्यु

त्यस्तै हरिवनबाटै पठाईएकाे स्वाब मध्ये लालबन्दीका एक महिलासहित दुईजना, बागमती नगरपालिकाका एक महिलाका सहित दुईजना, बरहथवा नगरपालिकाका दुईजना पुरुष, हरिपुर र हरिपूर्वा नगरपालिकाका एक-एक जनामा काेराेना भाईरस पाेजेटिभ देखिएकाे हरिवन नपा स्वास्थ्य शाखाका काेभिड फाेकल पर्सन तथा जनस्वास्थ्य निरीक्षक चाैधरीले बताए ।

त्यस्तै हरिवन नगरपालिकाले बुधबार दिउँसाे ३५ पुरुष र २३ जना महिला गरि ५८ जनाकाे स्वाब संकलन गरेर पठाएकाे छ । उक्त स्वाबकाे रिपाेर्ट भने भाेली (शुक्रबार) आउने बताईएकाे छ । यसअघि हरिवन नगरपालिकाबट एकसाता अघि पठाईएकाे ५४ जनाकाे स्वाब संकलन गरेर मलंगवामा परीक्षण गराउँदा ४१ जनामा काेराेना भाईरस देखिएकाे थियाे । उक्त रिपाेर्ट आएसँगै हरिवन नगरपालिकाले संक्रमितका आफन्त, परिवारजन, कन्ट्याक्ट ट्रेसिङमा परेकाहरुकाे नियमित स्वाब संकलन गर्दै परीक्षणका लागि मलंगवा पठाउँदै आएकाे छ । हरिवन नगरपालिकाले शुक्रबार पुन: स्वाब संकलन गर्ने कार्यक्रम राखेकाे छ ।

पछिल्लाे समय आएकाे रिपाेर्ट अनुसार समुदाय स्तरमा काेराेना भाईरस संक्रमण व्यापक रुपमा फैलिएको पुष्टी हुने चिकित्सकहरु बताउँछन् । सर्लाहीमा परीक्षणकाे रिपाेर्ट अनुसार ७५ प्रतिशत भन्दा बढीमा काेराेना भाईरस देखिएकाे छ ।