- बिहिबार, कार्तिक २०, २०८३ / Thursday, Nov, 05 ,2026
बागमती, १२ असोज – सर्लाहीको कर्मैयास्थित बागमती नदीमा बाढीले खतराको तह पार गरेको छ ।
आज बिहानको मापन अनुसार पानीको सतह ७ मिटर भन्दा माथि पुगेर खतराको तह पार गरेको यहाँस्थित जलमापन केन्द्रले जनाएको छ । बागमतीमा नदीले खतराको तह पार गरेसँगै सर्लाही र रौतहटको तल्लो तटीय क्षेत्रमा जोखिम बढेको छ ।
नदीमा पानीको बहाब बढीरहेकाले बागमतीको तल्लो तटीय क्षेत्रका वासिन्दालाई सावधानी अपनाउन अनुरोध गरिएको छ । बागमती बाँधका सबै ढोका खोलिएको छ ।
मकवानपुरमा कुलेखानीको ड्याम समेत भरिएर आंशिक रुपमा ढोका खोलिएकाले स्थानीय प्रशासनले सतर्कता अपनाउन आग्रह गरेको छ ।
सर्लाहीका प्रमुख जिल्ला अधिकारी गोपालकुमार अधिकारीले आफूहरु सतर्क अवस्थामा रहेको बताए ।
बिहीबार साँझदेखिको अविरल वर्षाले कारण लखन्देही, कालिन्जोर, फूलजोर, बाँकेलगायतका खोलामा पनि निरन्तर बाढी आइरहेको छ ।
