- बिहिबार, कार्तिक २०, २०८३ / Thursday, Nov, 05 ,2026
जिल्ला प्रहरी कार्यालय मलंगवा । (तस्बीर : उज्यालो अभियान)
मलंगवा, २० असार – फरार अभियुक्तलाई पक्राउ गर्न अभियान नै चलाएको सर्लाही प्रहरीले पुनः ५ जना प्रतिवादीलाई पक्राउ गरेको छ ।
सर्लाही जिल्ला अदालतबाट विभिन्न समयमा भएका फैसला कार्यान्वयन गर्ने सिलसिलामा जिल्ला प्रहरी तथा मातहतको इलाका प्रहरी कार्यालय हरिपुरबाट खटिएको प्रहरी टोलीले ५ जना अभियुक्तलाई पक्राउ गरेको हो । पक्राउ पर्नेमा लेनदेन मुद्दामा ६८ रुपैयाँ ८८ पैसा जरिवाना तोकिएका व्यक्तिदेखि २ लाख ५० हजार धरौटी रकम तोकिएका अभियुक्तसम्म छन् ।
उनीहरु जरिवाना र धरौटी रकम बुझाएर छुटेका छन् । मुद्रा सम्वन्धी कसुर लागेका बलरा नगरपालिका ८ बस्ने हरिचन साह भने पूर्पक्षमा कारागार चलान भएका छन् । यसअघि अस्ती इलाका प्रहरी कार्यालय बरहथवाले १७ जना अभियुक्तलाई पक्राउ गरी सर्लाही जिल्ला अदालतमा बुझाएको थियो ।
अदालतबाट सजाय तोकिएर लुकिछिपी बसिरहेकाहरुलाई धमाधम पक्राउ गरी अदालतमा उपस्थित गराइरहेको सर्लाही प्रहरीका सूचना अधिकारी एवं प्रहरी नायब उपरीक्षक (डिएसपी) दीपक श्रेष्ठले जानकारी दिए ।
