- शुक्रबार, कार्तिक २१, २०८३ / Friday, Nov, 06 ,2026
मलंगवा, चैत २२ – सर्लाही सदरमुकाम मलंगवामा आज ‘अग्नी नियन्त्रण’ अभ्यास गरिँदै छ ।
अहिले बिहान साँढे ७ बजेपछि मलंगवा १० स्थित तिनबिघे खेल मैदानमा अग्नी नियन्त्रण अभ्यास गर्न लागिएको नवलपुरस्थित नेपाली सेनाको भैरवीदल गणका गणपति एवं प्रमुख सेनानी सूर्यबहादुर कार्कीले उज्यालो अभियानसँग बताए । उनका अनुसार जिल्ला प्रशासन कार्यालय, विभिन्न सुरक्षा निकाय र विपद्को क्षेत्रमा कार्यरत कार्यालय तथा संघसंस्थाको आयोजनामा प्रदेश स्तरीय संयुक्त विपद् अभ्यास (अग्नी नियन्त्रण अभ्यास) गर्न लागिएको हो ।
सुक्खापन र हावाहुरीले गर्दा आगलागीको जोखिम बढिरहेका बेला सबै निकायसँग समन्वय गरेर आगलागीबाट के कसरी बच्ने ? आगलागी भइहाले कसरी नियन्त्रणमा लिने ? भनेर नमूना अभ्यास गरेर देखाइने प्रमुख सेनानी कार्कीले बताएका छन् ।
आयोजक संघसंस्थाले अग्नी नियन्त्रण अभ्यासको निरीक्षणका लागि स्थानीयलाई आब्हान समेत गरेका छन् ।
