- बिहिबार, कार्तिक २०, २०८३ / Thursday, Nov, 05 ,2026
हरिवन – सर्लाहीको हरिवनमा बुधबार एक आगलागी पीडित परिवारलाई लायन्स क्लव काठमाण्डौ सर्लाहीले सहयोग गरेको छ ।
हरिवन वार्ड नम्वर ६ घुर्कौली स्थित रंजिता कुमारी महतोलाई नगद २० हजार २ सय ५० हस्तान्तरण गरिएको हो । पूर्व रक्षा मन्त्री एवं सर्लाही क्षेत्र नम्वर ३ का प्रतिनिधि सभा सदस्य हरि उप्रेतीको उपस्थितीमा सहयोग प्रदान गरिएको लायन्स क्लवका अध्यक्ष चूडामाणि वाग्लेले जानकारी दिए । प्रतिनिधि सभा सदस्य हरि उप्रेती र लायन्सका सदस्यहरुको योगदानवाट पीडित परिवारलाई सहयोग गरिएको हो ।
प्रतिनिधि सभा सदस्य उप्रेतीले लायन्स क्लवका सदस्यले सहयोगी हात अगाडी बढाएकोमा धन्यवाद दिए । गत जेठ २७ गते विद्युत सर्ट भएर महतोको घर, घर भित्रका सामान र चौपाया समेत क्षती भएको थियो ।
४ जनाको परिवार मध्ये महतोका श्रीमान अरुण कुमार वैदेशिक रोजगारीमा छन् भने दुई जना ससाना छोराछोरी रहेका छन । उनको परिवार अहिले आफन्तकोमा आश्रित छ ।
हरिवन क्षेत्रमा क्रियासिल लायन्स क्लव काठमाडौ सर्लाहीले यस पहिले पनि विभिन्न सामाजिक कार्यमा योगदान गरिरहेको छ । अध्यक्ष वाग्लेले लायन्स क्लवले कहिवाट अनुदान प्राप्त नगर्ने भएकाले सदस्यहरुवाट संकलन गरेको रुपैयाले नै सहयोग गर्ने गरिएको बताए ।
