- बिहिबार, कार्तिक २०, २०८३ / Thursday, Nov, 05 ,2026
सासापुर – सर्लाहीको हरिवन नगरपालिका–४, सासापुरमा रहेको माइरानी मिक्चनी माध्यमिक विद्यालयमा व्यवस्थापन समितिका ४ जना सदस्य चयन गरिएको छ ।
हिजो सम्पन्न अभिभावक भेलाले व्यवस्थापन समितिको सदस्यमा रामभुलक महतो, रामबाबु यादव, राधिका विश्वकर्मा र अनिता महतोलाई सर्वसम्मत छनौट गरेको हो । अब उनीहरुमध्येबाट एक जनालाई अध्यक्षमा चयन गरिने र शिक्षाप्रेमी, अभिभावक, वडाका प्रतिनिधि, प्रधानाध्यापक र शिक्षक प्रतिनिधि सदस्य रहने विद्यालयका प्रधानाध्यापक बासुदेव साहले जानकारी दिए ।
हरिवन नगरपालिका ४ का वडाध्यक्ष केशवराज थापाको अध्यक्षता तथा हरिवनकी उपमेयर हरिमाया घलानको प्रमुख आतिथ्यतामा आयोजित अभिभावक भेलामा समाजसेवी धनबहादुर मिक्चन, किशोर मिक्चनलगायतको आतिथ्यता रहेको थियो ।
