- शुक्रबार, भदौ २६, २०८३ / Friday, Sep, 11 ,2026
लालबन्दी, २५ चैत – सर्लाहीको लालबन्दी नगरपालिका २ मा थप १८ जनामा क्षयरोग अर्थात् टिबीको संक्रमण देखिएको छ ।
वडाका विभिन्न बस्तीमा चैत १८ गतेदेखि २४ गतेसम्म निःशुल्क एकीकृत घुम्ती शिविर संचालन गर्दा १८ जनामा टिबी रोगको लक्षण देखा परेको हो । लालबन्दी २ का पुनर्वाससहित विभिन्न बस्तीहरुमा अघिल्लो वर्ष पनि ३५ जनामा क्षयरोग पुष्टी भएको थियो ।
एक सातासम्म प्रदेश जनस्वास्थ्य प्रयोगशाला जनकपुर, लालबन्दी नगरपालिका, वडा कार्यालय र नगर अस्पताल लालबन्दीसँग समन्वय गरी निःशुल्क स्वास्थ्य शिविर तथा स्क्रिनिङ क्याम्प चलाउँदा १८ जनामा टिबीको रिपोर्ट पोजिटिभ देखिएको आधारभूत स्वास्थ्य सेवा केन्द्र लालबन्दी २ पुनर्वासका इन्चार्ज सन्तोषकुमार साहले जानकारी दिए । साहका अनुसार टिबीका बिरामीलाई नेपाल सरकारले गरेको ब्यवस्था बमोजिम निःशुल्क औषधि सेवन गराउने काम भइरहेको छ ।
टिबी रोगीको पहिचान गर्न लालबन्दी नगरपालिका ५, १० लगायतका वडाले पनि यसैगरी स्वास्थ्य शिविरहरु आयोजना गरिरहेका छन् ।
