- शुक्रबार, भदौ २६, २०८३ / Friday, Sep, 11 ,2026
नवलपुर, १६ माघ – सर्लाहीको नवलपुरमा आजदेखि प्रथम लालबन्दी मेयर गोल्डकप फुटबल प्रतियोगिता सुरु हुँदै छ । लालबन्दी १ स्थित नवलपुर रंगशालामा प्रतियोगिता सुरु हुन लागेको हो ।
प्रतियोगिताको उद्घाटन खेलमा आज नेपाल खेलकुद क्लब रौतहट र न्यू त्रियूगा स्पोर्टस क्लब सप्तरीले खेल्दै छन् । उद्घाटन खेल दिउँसो २ बजेपछि सुरु हुने छ ।
प्रतियोगिता सुरु हुनुअघि हिजो दिउँसो मात्र नवलपुर रंगशालाको मधेश प्रदेशका मुख्यमन्त्री कृष्णप्रसाद यादवले उद्घाटन गरिसकेका छन् ।
माघ २७ गतेसम्म संचालन हुने प्रतियोगिताको बिजेताले ३ लाख र उपबिजेताले १ लाख ५० हजार प्राप्त गर्ने आयोजक जीवेश्वर यूवा क्लबले जनाएको छ । प्रतियोगितामा १२ वटा टिम सहभागी छन् ।
लालबन्दी नगरपालिकाको आर्थिक सहयोगमा प्रतियोगिता आयोजना गरिएको हो ।
