- मङ्लबार, कार्तिक ११, २०८३ / Tuesday, Oct, 27 ,2026
लालबन्दी, १८ साउन – नवलपुरबाट प्रहरीले आज बिहानै ठुलो परिमाणमा लागुऔषध गाँजा बरामद गरेको छ ।
गाँजासहित दुई जना मानिससमेत पक्राउ परेका छन् । लागुऔषध गाँजाको ओसारपसार भइरहेको सूचना पाएपछि प्रहरी टोली लालबन्दी नगरपालिका १ नवलपुरस्थित जिल्ला ट्राफिक प्रहरी कार्यालय अगाडि चेक प्वाइन्ट थापेर बसेको थियो ।
सोहीक्रममा आज बिहान ५ बजेतिर पूर्वतर्फ आउँदै गरेको बीआर ०९ एम ३७६६ नम्वरको भारतीय कारबाट एक क्विन्टल नौ किलो लागुऔषध गाँजा बरामद भएको हो । कारको डिकीभित्र लुकाइराखिएको अवस्थामा २३ वटा पोकाभित्र रहेका गाँजा बरामद भएको जिल्ला प्रहरी कार्यालय सर्लाहीका प्रवक्ता एवं प्रहरी नायब उपरीक्षक (डीएसपी) वेदप्रसाद गौतमले बताएका छन् ।
गाँजासहित प्रहरीले कारका चालक भारतको सितामढीका २६ वर्षीय दीपक कुमार महतो र सोही कारमा सवार सितामढीकै २५ वर्षीय अमन कुमारलाई पक्राउ गरेको छ ।
गाँजा कुन ठाउँबाट ल्याइयो भन्ने विषयमा अनुसन्धान भइरहेको डिएसपी गौतमले जानकारी दिएका छन् ।
