- शुक्रबार, भदौ २६, २०८३ / Friday, Sep, 11 ,2026
प्रतिकात्मक तस्बिर ।
हजरिया, ११ बैशाख – सर्लाहीको बरहथवा नगरपालिका–२, हजरियामा आयोजित प्रदेशस्तरीय भलिबल प्रतियोगिताको उपाधि आयोजक त्रिवेणी युवा क्लबले हात पारेको छ ।
धनुषा भलिबल सङ्घलाई ३–१ को सेटमा पराजित गर्दै आयोजक हजरिया च्याम्पियन बनेको हो । हजरियाले ५१ हजार रुपियाँ नगदसहित प्रतियोगितको ट्रफी उचालेको छ ।
यस्तै उपबिजेता धनुुषा जिल्ला भलिबल सङ्घले ३१ हजार रुपियाँमा चित्त बुुझाएको छ । नव वर्ष २०८२ को अवसरमा बैशाख ७ गतेदेखि सुरु भएको प्रतियोगितामा १६ वटा टिमले सहभागिता जनाएका थिए ।
प्रतियोगिताको बिजेता तथा उपबिजेतालाई निवर्तमान रक्षामन्त्री एवं सर्लाही क्षेत्र नं. ३ का प्रतिनिधि सभा सदस्य हरिप्रसाद उप्रेतीको प्रमुख आतिथ्यतामा पुरस्कार वितरण गरिएको आयोजक त्रिवेणी युवा क्लब हजरियाले जनाएको छ ।
