- शुक्रबार, भदौ २६, २०८३ / Friday, Sep, 11 ,2026
फाइल तस्बीर ।
मलंगवा, २५ साउन – माध्यमिक शिक्षा परीक्षा (एसइई) को ग्रेड वृद्धि अर्थात् पुरक परीक्षा सर्लाहीमा आज तेस्रो दिनसम्म सामान्य रुपमा सकिएको छ ।
परीक्षा संचालन गर्न सर्लाहीमा ११ वटा विद्यालयमा परीक्षा केन्द्र (सेन्टर) तोकिएको शिक्षा विकास तथा समन्वय इकाई मलंगवाका प्रमुख एवं उपसचिव तारापति खरेलले जानकारी दिए । खरेलका अनुसार सर्लाहीबाट एसइईमा पाँच हजार ८०० विद्यार्थी सहभागी भइरहेका छन् ।
यसअघि उत्तीर्ण हुन नसकेकालाई राष्ट्रिय परीक्षा बोर्डले बुधबारदेखि देशभर ग्रेड वृद्धि परीक्षा सञ्चालन गरिरहेको हो । परीक्षा साउन ३१ गतेसम्म सञ्चालन हुनेछ ।
नतिजा असोजको पहिलो हप्ता भित्र सार्वजनिक गर्ने बोर्डले जनाएको छ । पुरक परीक्षामा उत्तीर्ण विद्यार्थीले यसै वर्ष कक्षा ११ को अध्ययन गर्न पाउनेछन् ।
