हरिवनमा तरुण दलले गर्यो चियापान कार्यक्रम

1
कार्यक्रममा उपस्थित युवा नेताहरु । (तस्बिर : उज्यालो अभियान)

हरिवन – नेपाली कांग्रेसको भातृ संस्था नेपाल तरुण दलले हरिवनमा चियापान कार्यक्रम गरेको छ । तरुण दलका महाधिवेशन प्रतिनिधि एवं नेविसंघका पूर्व जिल्ला सभापति निरमुनी मैनालीको अगुवाईमा चियापान कार्यक्रम गरिएको हो ।

दिपावली एवं छठ पर्वको अवसरमा आयोजित शुभकामना आदान प्रदान एवं चियापान कार्यक्रम गरिएको मैनालीले जानकारी दिए । नेपाली कांग्रेस हरिवन नगर समितिका सचिव एवं युवा नेता निरोज कार्कीको सहजीकरण एवं तरुण दल हरिवन नगरपालिका वडा नं. ९ का सभापति शंकर मैनालीको अध्यक्षता रहेको कार्यक्रममा जिल्ला कार्यसमितिका सहसचिव डोरप्रसाद भट्टराई, जिल्ला समिति सदस्यद्वय सुनिता घिसिङ र कृष्णजंग रायमाझी, महासमिति सदस्य शेरबहादुर लामा, महाधिवेशन प्रतिनिधि एवं कांग्रेस नेतृ सोनीकुमारी बम्जन, कांग्रेसका युवा नेताहरु सुरेश महत, विनोद कार्की, अर्जुन योञ्जन, केशवराज थापा, नरेन्द्र भट्टराई, युगल सुवेदी, आदिबासी जनजाती अध्यक्ष बुद्दिमान तामाङ लगायतले शुभकामना मन्तव्य सहित पार्टी सुदृढिकरणका विषयमा विचार व्यक्त गरेका थिए ।

चरम गुटउपगुटको राजनीति भन्दापनि गाउँ गाउँमा रचनात्मक गतिविधी बढाउँदै संगठन विस्तार एवं पार्टी सुदृढिकरणमा लाग्नुपर्ने वक्ताहरुको धारणा थियो । हरिवनमा नेतृत्व तहले कार्यकर्तालाई उचित संरक्षण गर्न नसकेको, संगठन विस्तार एवं सुदृढिकरणमा गतिविधी नगरेको लगायत गुनासो गर्दै अब युवा वर्ग एकजुट भएर नेतृत्व तहमा आउनुपर्ने वक्ताहरुको विचार थियो ।