दुई वटा मोटरसाइकल जुध्दा एकै परिवारका चारसहित पाँच जना घाईते

165


सर्लाहीको कविलासी नगरपालिका ४, हेमपुरस्थित भित्री सडकमा सुक्रवार साँझ दुई वटा मोटरसाइकल आपसमा ठोक्किँदा एकै परिवारका चारसहित पाँच जना घाईते भएका छन् ।

बीआर ०६ एवाई ४३१२ र बीआर ३० के १३६२ नम्वरको मोटरसाइकल आपसमा ठोक्किँदा चार जना घाईते भएका हुन् । दुर्घटनामा बीआर ३० के १३६२ नम्वरको मोटरसाइकल चालक बसबरिया गाउँपालिका ५, धनगढाका २८ वर्षीय अजय पंडित र अर्को बीआर ०६ एवाई ४३१२ नम्वरको मोटरसाइकलमा सवार एकै परिवारका चार जना घाईते भएका छन् ।

दुर्घटनामा बरहथवा नगरपालिका १८, श्रीपुर बस्ने २६ वर्षीय प्रमेन्द्र राय, उहाँकी २५ वर्षीया श्रीमती बबिता देवी, ३ वर्षको छोरा सौरब कुमार र ५ वर्षीया छोरी सन्ध्या कुमारी घाईते भएका हुन् ।

घाईते पाँचै जनालाई जिल्ला अस्पताल मलंगवामा सामान्य उपचार गरी वीरगञ्ज रेफर गरिएको प्रहरीले जनाएको छ ।