सर्लाहीको सागरनाथ चोकमा बोलेरोको ठक्करबाट मोटरसाइकलमा सवार युवकको मृत्यु, अर्का एक युवक गम्भीर घाईते

पूर्व–पश्चिम राजमार्ग अन्तर्गत सर्लाहीको ईश्वरपुर नगरपालिका–१२, सागरनाथ चोकमा बोलेरोको ठक्करबाट मोटरसाइकलमा सवार एक युवकको मृत्यु भएको छ भने अर्का एक युवक गम्भीर घाईते भएका छन् ।
वुधवार साँझ ७ बजेरित पूर्वबाट पश्चिमतर्फ आउँदै गरेको बा ३३ प १५४५ नम्वरको मोटरसाइकललाई विपरीत दिशाबाट जाँदै गरेको ना २ च ७२४१ नम्वरको बोलेरो गाडीले ठक्कर दिँदा लालबन्दी नगरपालिका–५, का २२ वर्षीय आशिष वैधको मृत्यु भएको प्रहरीले जनाएको छ । दुवै खुट्टामा गहिरो चोट लागी घाईते वैधको उपचारका क्रममा वुधवार राती सबा १ बजे धुलिखेल अस्पताल काभे्रमा मृत्यु भएको हो ।
सोही दुर्घटनामा गम्भीर घाईते मोटरसाइकलमै सवार लालबन्दी नगरपालिका–१३, का २३ वर्षीय विजय घिसिङको उपचार भइरहेको छ । दुर्घटनामा संलग्न बोलेरो र त्यसका चालक महोत्तरीको बर्दिवास नगरपालिका–२, का २६ वर्षीय आशिष परियार प्रहरीको नियन्त्रणमा छन् ।