आगलागीपीडित घिसिङको घर निर्माण तिब्र

घिसिङ परिवारका लागि निर्माण हुँदै गरेको घर । (तस्बिर : उज्यालो अभियान)

हरिवन (कोठिखोला) – बिद्युत सर्टका कारण भएको आगलागीबाट घर ध्वस्त भएपछि विचल्लीमा परेका एक परिवारलाई सहयोग स्वरुप घर निर्माण कार्य भईरहेको छ ।

हरिवन नगरपालिका–१, कोठिखोला निवासी दुर्गालाल घिसिङको परिवारका लागि घर निर्माण कार्य तिब्र रुपमा भईरहेको हो । चितवन निवासी सामाजिक अभियन्ता रन्जिता गुरुङको अगुवाईमा घिसिङ परिवारको घर निर्माण भैरहेको नेकपा सर्लाहीका युवा नेता निशान थापा मगरले जानकारी दिए ।

थापा मगरका अनुसार आर्थिक अवस्था अत्यन्तै कमजोर भएका घिसिङ परिवारलाई घर निर्माणका लागि हरिवन नगरपालिकाका मेयर मेयर गणेश प्रसाईले नगरको तर्फबाट एकलाख रुपैया सहयोग गरेको र अन्य मनकारी दाताबाट सहयोग संकलन गर्दै ३ कोठे पक्की घर निर्माण भईरहेको छ । यसैक्रममा सुर्यध्वज घिसिङले २ हजार इट्टा तथा स्थानीय व्यवसायी सन्तलाल घिसिङले ६ बोरा सिमेन्ट र २ टिप बालुवा तथा स्थानीय चक्र लामा बाट ५ टिप ढुंगा र ४ टिप बालुवा सहयोग स्वरुप प्राप्त भएको घर निर्माणमा सकृय हरिवन चापिनी निवासी कामना क्याप्छाकी मगरले जानकारी दिए ।

अन्य मनकारी दातालाई पनि घर निर्माणमा सहयोग गर्न सामाजिक अभियन्ता गुरुङले आग्रह गरेकी छिन् । ‘सबैको सानो सानो सहयोगले घिसिङ परिवारलाई ठूलो राहत पुग्छ’, गुरुङले आग्रह गरिन्, ‘त्यसैले सबै दाताहरुसँग यथाशक्य सहयोगका लागि अनुरोध गर्दछु ।’

Facebook Notice for EU! You need to login to view and post FB Comments!